Sendagaiak 2017-11-03T14:03:47+00:00

ZEIN DA ARAZOA?

Pilulak, behar-beharrezkoak direnak bakarrik. Sendagai gehiegi hartzea ez da osasuntsua. Behar ez ditugun zenbat ibuprofeno, antibiotiko eta abar hartzen ditugu egunero? Eta, horietatik, zenbat botatzen ditugu? Baina, agian, beste bat da galdera garrantzitsua: Non bukatzen dute sendagai horiek? Badakizu erantzuna. Hurbileko ibaietan edo itsasoan, medikamentuen hondakin guztiak ez baitira deuseztatzen araztegietan. Sendagaien milaka formulazio desberdinek, haien erabilera aldaketak eta osasun-sarean agertzeak, haiek guztiz desegitea bermatzen duen teknologia bideragarria ez aurkitzea eragiten du, bai teknikoki bai ekonomikoki.

ZU ZARA ERANTZULEA!

Ez ezazu begiratu beste alderantz. Zuk ere botatzen dituzu sendagaiak komunetik eta munstroa elikatzen laguntzen duzu iraungi duten medikamentuak komunetik botatzen dituzun bakoitzean. Badakigu zuretzat aukerarik erosoena dela, baina ez da arduratsuena. Beraz, nahiz eta ez ikusi, hondakin horiek berez desagertzen ez direla izan kontuan.

ERAMAN IRAUNGITAKO SENDAGAIAK SIGRE PUNTU BATERA!

Uste baino errazagoa da iraungitako sendagai horiek ongi kudeatzea. Sendagaien kutxak eta soberakinak hurbilen duzun botikara eraman, eta utzi itzazu SIGRE puntuan. Irabazi asmorik gabeko entitate horrek behar bezala kudeatuko ditu nahi ez dituzun sendagaiak. Erraza dirudi, ezta? Ez ezazu jarraitu munstroa elikatzen!

Ez elikatu Munstroa kanpainaren bitartez, paper-zapiak komunetik botatzeak dakartzan arriskuak ezagutarazi nahi zaizkie herritarrei, ohitura arduratsuak sustatuz. Ahalegin honetarako, indarrak bildu dituzte zortzi erakunderen artean: Uraren Euskal Agentziak (URA), Bilbao Bizkaia Ur Partzuergoa, Gasteizko Udal Urak (AMVISA), Añarbeko Urak, Arabako Errioxako Ur Partzuergoa, Busturialdeko Ur Partzuergoa, Kantauriko Urkidetza eta Txingudiko Zerbitzuak. Ekimena Aclima Euskadiko Ingurumen Klusterrak koordinatu du, eta hiri-arroen degradazioaren aurka borroka egitea helburu duen “Herritarren ohiturak eta urgaineratutako kutsatzaileak” delako hedapen handiagoko proiektuaren barruan mamitu da.

Sustatzaileak:

Amivisa
Agasa
Consorcio de Aguas
Busturialdekoura
Consorcio Aguas Rioja Alavesa
Kantaurikourkidetza
Txingudi
Uragentzia

Koordinatzailea: